Boosaaso (bulacle.com)– Faahfaahin dheeraad ah ayaa ka soo baxday howlgal culus oo ay ciidamada difaaca Puntland ka wadaan dhulka buuraleyda ee gobolka Bari, kaas oo lagu beegsanayo xarumaha maleeshiyada kooxda Daacish.
Inta lagu guda jiro howlgalka, Puntland waxay sheegtay
in lagu burburiyey ugu yaraan sideed talis oo ay leeyihiin Khawaarijta Daacish,
gaar ahaan aagga Togga Il-cameyro ee buuraleyda Cal-miskaad. “Ciidamada difaaca
Puntland ayaa burburiyey in ka badan 8 talis iyo saldhigyo argagixisada
Daacish, kuwaas oo ku yaallay buuraleyda Calmiskaad ee gobolka Bari, gaar ahaan
togagga Lugele, Dhabanacado, Il iyo Camayra, Hoobato, Taagtaag, iyo buurta
Baal-gorey,” ayaa lagu yiri warsaxaafadeedka ka soo baxay taliska ciidamada
Puntland.
Sidoo kale, ciidamada Puntland ayaa soo riday
diyaarado drones ah oo ay adeegsadeen xubno ka tirsan Daacish. Sawirrada
diyaaraddan ayaa muujinaya noocyada basaas ah, iyaga oo loo isticmaalay
howlgalka.
Howlgalka wuxuu sidoo kale keensaday in la soo qabto
hub iyo saanad ay maleeshiyaadka Al-Shabaab uga carareen goobahaas, balse hadda
la kulmaya weeraro ka dhanka ah ciidamada.
Xaaladda ayaa weli kacsan, iyadoo dhaq-dhaqaaqyo iska
soo horjeedo laga dareemayo aagga Togga Il-cameyro. Puntland ayaa qaadeysa
guluf ka dhan ah kooxaha argagixisada ah ee ku sugan dhulka buuraleyda ee
gobolka Bari, iyadoo qorshuhu yahay in laga xoreeyo.
Madaxweynaha Puntland, Siciid Cabdullaahi Deni, ayaa
ku dhawaaqay in laga saari doono Dascish iyo Al-Shabaab deegaanada Puntland.
Dhanka kale, dowladda Soomaaliya weli ma aysan ka
hadlin howlgalka ay Puntland qaaday.
W/Q: Maxamud Cabdlle
.jpeg)
0 Comments