Muqdisho (bulacle.com) – Khasaare naxdin leh ayaa ka dhacay magaalada Muqdisho xalay, kadib shil baabuur oo sababay dhimashada saddex qof, oo ay ku jiraan laba gabdhood iyo darawal.
Shilka ayaa ka dhacay waddada u dhaxaysa deegaanka
Jaziira iyo duleedka Muqdisho, halkaas oo baabuurka ay wateen uu gebi ahaanba ku burburay.
Goobjoogayaal ayaa u sheegay bulacle.com in gaariga uu
tartan kula jiray baabuur kale ka hor inta uusan rogman arintana ay sababtay rogmashada
gaarigan.
Darawalka baabuurka shilka galay ayaa la sheegay inuu
ka tirsan yahay ciidankii lagu soo tababaray Eritrea, isagoo sidoo kale ah wiil
dhalinyaro ah oo caan ku ah baraha bulshada, gaar ahaan TikTok.
Ehellada iyo ciidamo ka tirsan dowladda Soomaaliya
ayaa goobta ka soo qaaday maydadka dadka ku dhintay shilkan gaari.
Shilalka baabuur ayaa si joogto ah uga dhaca Muqdisho,
waxaana sabab u ah darawallada oo xawli u kaxeeya gaadiidka, iyo waddooyinka
qaar oo burbursan. Ma jiro sharciyo adag oo lagu xakameeyo gaadiidka, taasoo
keentay in darawallada aysan raacin shuruucda wadista gawaarida tan iyo markii
ay dhacday dowladdii Soomaaliya.
.jpeg)
0 Comments