Ra'iisul Wasaare Xamse Oo Kismaayo tagaya xili uu Kor u sii Kaceyso Khilaafka Dowladda dhexe iyo Jubaland.

Ra'iisul Wasaare Xamse Oo Kismaayo xili uu  Kor u sii Kaceyso Khilaafka Dowladda dhexe iyo Jubaland.

Wararka ka imaanaya Magaalada Kismaanyo ayaa sheegay in dowlada federaalka soomaaliya ay qorsheyneyso in Ciidamada Nabad ilaalinta ATMIS ee fadhigoodu yahay Magaalada kismaanyo lagu wargaliyay in ay gacanta ku dhigaan garoonka diyaaradaha Magaalada Kismaanyo oo intiisa badan ay gacanta ku hayaan Ciidamada daraawiishta Jubaland, Arintaan ayaa la sheegay in ay ka danbeyso xili la filayo in Kismaanyo uu gaaro Reysal wasaaraha jamhuuriyada fedraalka  soomaaliya Xamse Cabdi Barre oo deegaan ahaan ka soo jeeda Magaalada Kismaanyo maamulka Jubaland.

Safarka Reysal wasaaraha Soomaaliya ayaa ku soo beegmaya xili xalay uu maamulka jubland oo soo saaray wareegto uu ku magacaabay Gudiga doorashooyinka iyo xuduudaha jubalnd si loo dar dargaliyo arimaha doorashooyinka Jubalnd , taas ay kor u sii qaaday isfaham waagii jubaland iyo dowlada dhexe soomaaliya.

Maalmihii la soo dhaafay magaalada kismaanyo waxaa ku sugnaa guud ahaan xildhibaanada dowlada dhexe ku matala  Jubalnd iyagoona halkaasi u joogay wadatashi ka dib markii ay casuumaad ka heleen madaxweynaha Jubaland Axmed Madoobe iyadoona wax war ah laga soo saarin wadahadaladii halkaasi ka socday ayaa waxaa xalay soo baxay wareegtada lagu magacaabay 7 xubnood oo noqonaya gudiga doorashiinka iyo xuduudaha maamulka jubland.

Lama oga sida uu noqonayo xaalka jubaland iyo dowlada dhexe soomaaliya blasé reysal wasaaraha soomaaliya ayaa lagu wadaa in uu gaaro magaalada kismaanyo caasimahada maamulka jubalnd.

End .